Жанасбаев Әжібжан Төкенұлы

Жанасбаев Әжібжан Төкенұлы- 69 жаста,еңбек ардагері, Қазақ Советтік Социалистік Республикасының Мемлекеттік Сыйлық Лауреаты.

Еңбек жолы: Ақжал кен байыту фабрикасында 49 жыл бұрғылаушы болып жұмыс атқарды. 1976 жылы еліне сіңірген еңбегі бағаланып,«Еңбек Қызыл Ту» орденімен марапатталса, 1980 жылы Қазақ Советтік Социалистік Республикасының Мемлекеттік Сыйлық Лауреаты атағы берілген. Сондай-ақ, 1986 жылы ең жоғарғы марапат «Ленин» орденін алған. 1989 -1992 жж. аралығында КСРО-ның (СССР) халық депутаты болып сайланған. КСРО-ның Жоғарғы Кеңесі құрамында Москвада Кремльде екі жыл сегіз ай қызмет атқарған. Қазақстан өз Тәуелсіздігін әлемге паш еткенде және Қазақстан Республикасының Тұңғыш Президенті сайланғанда депутат ретінде қатысқан.1991 жылы Олжас Сүлейменов және басқа да қатысушылармен бірге АҚШ-да «Невада» полигонын-да ядролық сынақ өткізбеу туралы манифестацияға қатысып,«Семей-Невада» антиядро-лық қозғалысының қатысушысы болған. 1992 жылдан бастап, Ақжал кентіне қайтып келіп, кәсіпорында жұмысын жалғастырды.