Бүлдіршіндер кітапханада қонақта

Жас ұрпақты тәрбиелеуде кітапхананың орны ерекше. Оқушылардың кітапқа деген талап-тілегі мен сұранысын қанағаттандыру – уақыт талабы. Ақжал кенті кітапханасы «Ақбота» балабақшасының бүлдіршіндерін кітапханада қонақ етті. Кітапхананы таныстыру барысында «Әлем халықтарының үздік ертегілері» атты кітап көрмесі ұйымдастырылып, шолу жасалды. Бүлдіршіндердің кітап оқуға қызығушылығын арттыру үшін көрнекті суреттер беріліп, жұмбақтар жасырылды.

Бұл іс-шараның мақсаты – балаларға білімнің кітап арқылы берілетінін ұғындырып, ғылым мен білімнің пайдасын кеңірек түсіндіру еді. Бүлдіршіндер кітапханадан көптеген мәліметтерге қанып тарқасты.

Бір айда екі рет балабақшаға барып кітаптар таратып тұрамыз, тәрбиеші қабылдап алып, балаларға таратады. Оқырмандарымызға жыртылмаған, таза кітап ұсынамыз. Айына екі рет кітаптарды ауыстырып береміз.