Кітап – рухани құндылық

Кітапханамыздың оқу залында «Кітап – рухани құндылық» атты дөңгелек үстел өтті

1956 жылдан бастап жыл сайын дат жазушысы Ганс Христиан Андерсеннің туылған күніне орай 2 сәуір «Халықаралық балаларға арналған кітап күні» және 23 сәуір «Дүниежүзілік кітап күні» атап өтілді. Осы шараның аясында әлемнің үздік кітаптарына балаларға кітаптың берер пайдасы және оны насихаттау мақсатында оқырмандармен дөңгелек үстел өткізілді.

Мақсаты: Оқушылардың кітапханаға деген, кітап оқуға деген құмарлығын арттыру, кітапты күте білуге үйрету. Кітаптың маңызын түсіндіре отырып, оларды адамгершіліке, мейірімділіке тәрбиелеу.

Көрнекілігі: Кітап көрмесі, қанатты сөздер,

Қайырлы күн, құрметті оқушылар. 23 сәуір Бүкіл әлемдік кітап күні мерекесіне орай, кітапхананың ұйымдастырылуымен дайындалған «Кітап- рухани құндылық » атты дөңгелек үстелге қош келдіңіздер. 1995 жылы 23 сәуір Бүкіләлемдік кітап күні деп жарияланды. Бүгін сіздердің де атап өткелі жатқандарыңызға өте қуаныштымын. Ақылына ақы сұрамайтын асыл қазына кітаппен достығымыз үзілмесін. Алғашқы кітап баспасы ағаштан жасалды. 1800-інші жылы тұңғыш қазақша кітаптар шығарыла бастады. Кітап басып шығару үшін талай адам тер төгеді. Бүгін кітап күніне орай буккросинг акциясын ашқымыз келіп отырмыз.

Мақсаты:Көркем әдебиеттердің оқылымнан шығып қалмай өз оқырманын табуына ықпал – ету, тұрғындардың кітап оқуға деген сүйіспеншілігін арттыру. Буккроссингтің басты принципі: «Ал, оқы, қайтар!». Буккросинг кітаптың айналымда жүруі болып табылады. Ұстаздар, оқушылар өз оқыған қызықты кітаптарын буккросинг сөрелеріне қойып, орнына сол сөреден өзі оқымаған кітапты алып кетуі арқылы достарымен бөліседі. Қанша жерден заман өзгеріп, технология дамып кеткенімен кітаптың рөлі әрқашан да биік болып қала бермек. Кітап оқиық, ағайын!