Туған жеріміздің - тұғырлы тұлғалары
Мақсаты: Оқырмандарды адамгершілікке, Отанын сүюге, оны қорғауға баулу. Отанға деген сүйіспеншілігін арттыру. Оларға патриоттық тәрбие беру. Оқырмандарды Ұлы Отан соғысымен, қазақстандықтардың ерлік істерімен таныстырып, ой-өрісін дамыту. Үлкен адамдарды сыйлай білуге, оларды қадірлеуге тәрбиелеу.
Ұлы Отан соғысының аяқталғанына биыл 73 жыл толып отыр. Ортақ жауға қарсы бірқатар ұлттардың басын біріктірген Ұлы Отан соғысы адамзат тарихындағы ең ауыр әрі сұрапыл соғыс болып саналады. Жеңіс күні жалпыға ортақ халықтық мереке. Сіздер мен біздердің әкелеріміз бен ағаларымыз, аналарымыз бен әпкелеріміз майданда қайтпас қайсарлық пен Отанға деген сүйіспеншіліктерін, табандылық пен ерліктерін көрсете білді. Сондықтан Жеңіс күні бәріміз үшін айрықша қымбат, қасиетті мереке. Біз барша қазақстандық отандастарды осынау айтулы күнмен құттықтай отырып, береке-бірлік, ашық аспан және ең бастысы – бейбіт өмір тілейміз. Көк туымыз көгімізде желбірей берсін!